Tolkien.ge

ავტორი - Elbereth, The Hobbit

 
ინკლინგები (Inklings) იყო ლიტერატურული დისკუსიების საზოგადოება, რომელშიც გაერთიანებულნი იყვნენ მეოცე საუკუნის ცნობილი აკადემიკოსი-მწერლები: ჯ.რ.რ. ტოლკინი; კლაივ ს. ლუისი; ჩარლზ უილიამსი; უორენ ლუისი, ოუენ ბარფილდი, კრისტოფერ ტოლკინი და სხვები

”ინკლინგების” საზოგადოება დაარსდა 30-იანი წლების შუა პერიოდში ინგლისში, ოქსფორდის უნივერსიტეტში. მისი მთავარი ფუძემდებელი იყო უმაღლესდამთავრებული ტანჯი ლინი. მალე ლინმა დაამთავრა კოლეჯი და წავიდა კლუბიდან. საზოგადოება აღარ იარსებებდა, რომ არა კლუბის იმდროინდელი აქტიური წევრები და უნივერსიტეტის ლექტორები კლაივ სტეიპლზ ლუისი და ჯონ რონალდ რუელ ტოლკინი.

სახელწოდება ”ინკლინგები” პირდაპირი თარგმანით აღნიშნავს - ქარაგმას, რაც უკვე მრავლისმეტყველია. მისი საწყისი ფუძე შედგება სიტყვისგან ”ink” - რაც ინგლისურად ნიშნავს მელანს. გამომდინარე აქედან, ინკლინგები უნდა ითარგმნებოდეს, როგორც ”მელნიანები”.

როგორც იმ დროისათვის ბრიტანულ კლუბებს მიესადაგებოდა, ინკლინგები ძირითადად მამაკაცების ჯგუფს წარმოადგენდა. (მიუხედავად იმისა, რომ ლუისისა და უილიამსის მეგობარს დოროთი სეიერს მოიხსენიებდნენ ინკლინგად, ის არ შედიოდა ამ საზოგადოებაში და არასოდეს ესწრებოდა მათ სხდომებს.) კლუბში როგორც ასეთი, წევრობა არ იყო აღიარებული. ინკლინგებიდან რამდენიმე კაცი რეგულარულად ესწრებოდა სხდომებს, ზოგი კი შემთხვევითი სტუმარი იყო. შეკრებების გული იყო ლუისი (მას მეგობრები უბრალოდ ჯეკს ეძახდნენ), რომლის გარეშეც შეხვედრები უბრალოდ წარმოუდგენელი იყო. ლუისისა და ტოლკინის გარდა (მას მეგობრები კი ტოლერსად მოიხსენიებდნენ) ომამდე და ომის შემდეგ დისკუსიებს ესწრებოდნენ: უორენ ლუისი (კ.ს. ლუისის ძმა, უორნი), რ. ე. ჰეიუორდი (ოქსფორდელი მედიკოსი რომელიც იყო ლუისისა და ტოლკინის ოჯახების ექიმი), ჰიუგო დაისონი და ლუისის მეგობარი ოუენ ბარფილდი (რომელიც შეხვედრებს იშვიათად ესწრებოდა) ხოლო 1939 წელს კლუბში პროფესიონალი ლიტერატორი ჩარლზ უილიამსი გაერთიანდა.

თავიდან შეხვედრებზე კითხულობდნენ თავიანთი დაუსრულებელი ნაწარმოებების რამდენიმე თავს. ინკლინგების მთავარი განსახილველი მოთხრობებიდან კი გამოირჩეოდნენ ტოლკინის ”ბეჭდების მბრძანებლის”, კლაივ ლუისის ”ჩუმი პლანეტის გარეთ” და უილიამსის ”ყველა წმინდანის წინადღის” თავები. 1949 წლამდე ინკლინგების სხდომები და დისკუსიები ტარდებოდა მაგდალენას კოლეჯში, ხუთშაბათის საღამო ხანებში ლუისის მიმღებ ოთახში, ხოლო ოთხშაბათობით - ადგილობრივ პაბში სახელად ”არწივი და ბავშვი” (ინკლინგები ამ პაბს მოიხსენიებდნენ როგორც ”ჩიტუნა და ბავშვი” ). გარდა ამისა ინკლინგები კიდევ ბევრ სხვადასხვა პაბში ხვდებოდნენ ერთმანეთს, რომელთა შორის ყველაზე ხშირად სტუმრობდნენ ქუჩის გადაღმა პაბს - ”კრავსა და დროშას”, მაგრამ მათი მთავარი თავშესაფარი მაინც ”არწივი და ბავშვი” რჩებოდა.

ინკლინგთა წევრები:

• «
•  დაწყება 
•  წინა 
•  1 
•  2 
•  შემდეგი 
•  ბოლოს 
• »